الأكل الحدسي غيّرلي حياتي. بعد 20 سنة من اتباع حميات غذائيّة، أبدًا ما توقعت إنّي رح وقف احسب الوحدات الحرارية، ووقف اشعر بالذنب كل ما أكلت كيك أو كل ما حسّيت بالرغبة إنّو آكل. ساعدني الأكل الحدسي إتواصل مع جسمي وإتعلّم كيف إستمع لإشارات الجوع. عنجد غيّرلي طريقة تفكيري وخلّاني حب نفسي أكتر.

دانا من دبي

بصراحة، الابتعاد عن ثقافة الدايت ما كان شيء اعتقدت أنه ممكن بحياته يصير. أمضيت سنين مراهقتي ومعظم حياتي البالغة جرب حميات غذائية مختلفة لأنّي أبدًا ما كنت مرتاحة بشكل جسمي. بس بعد ما بلّشت رحلتي مع الأكل الحدسي، أخيرًا حسّيت إنّي تحرّرت من نمط الحياة المؤذي الذي هو الدايت. تعلمت إنّو أوثق بجسمي، ومع هيدي الثقة إجتني قوة عظيمة وحب الذات. قضيت سنين مرعوبة من الكربوهيدرات، حتى من نوع الكربوهيدرات الجيد. صرت أعرف إنّو إذا وثقت بجسمك واستمعت بحذر لاحتياجاته، رح يعرف شو يعمل.

لانا من لبنان

الأكل الحدسي مع رولا من أفضل رحلاتي لاكتشاف النفس. غيّرت وجهة نظري للأكل وللحركة والأهم من هيك غيّرت طريقة نظري لجسمي. حبّيت النهج اللطيف والتغيرات الفكرية اللي بتصير. واللي حلو بالأكل الحدسي إنّو بتنموا يوم بعد يوم، وبتفهموا شو اللي فعلًا مهم. وحبّيت إنّو بيركّز على شو منشعر، وعلى الصحة النفسية والصحة الشاملة بدل ما نركز على الرقم الموجود على الميزان بس.

ماري كريستين من لبنان